კომპანია Nokia-მ ახალი სმარტფონის კონცეპტი, მისი სპეციფიკაცია და დიზაინი მომხმარებელთა აზრის გათვალისწინებით შექმნა. სმარტფონ Nokia U-ს სამგანზომილებიანი მოდელი კომპანიის ბლოგზე გამოქვეყნდა.

პროექტ Design by Community-ის მონაწილეთა აზრით, Nokia-ს იდეალურ სმარტფონს ოთხდიუმიანი სენსორული ეკრანი, 8-მეგაპიქსელიანი, სანათიანი კამერა და HD-ვიდეორგოლების გადაღების შესაძლებლობა უნდა ჰქონდეს. ამასთან კონცეპტი USB 3.0 და HDMI პორტებით, Wi-Fi 802.11n უკაბელო კავშირის მოდულებით უნდა აღიჭურვოს. აღსანიშნავია, რომ მომხმარებლებმა აპარატზე Bluetooth-ის მოდულის არსებობას ხმა არ მისცეს.

უცნობია, დაიწყებს თუ არა კომპანია კონცეპტის წარმოებაში ჩაშვებას. მთლიანობაში კი აპარატი სმარტფონ N8-ს დაემსგავსა, რომელიც ოქტომბრიდან გაიყიდება.